وفاقی وزیر برائے اطلاعات شبلی فراز نے کہا ہے کہ اپوزیشن اپنی تحریک سے عوام کی آنکھوں میں دھول جھونکنا چاہتی ہے لیکن اپوزیشن والوں کو کسی صورت این آر او  نہیں ملے گا۔

تفصیلات کے مطابق کراچی میں پریس کانفرنس کرتے ہوئے وفاقی وزیر برائے اطلاعات شبلی فراز کا کہنا تھا کہ اپوزیشن کی تحریک کا مقصد لوٹی ہوئی دولت بچانے کےعلاوہ کچھ نہیں ہے، وہ چاہتے ہیں انکی کرپشن معاف کردی جائے۔

شبلی فراز نے کہا ہے کہ حکومت کسی کی بلیک میلنگ میں نہیں آئی گی اور نہ ہی کسی صورت اپوزیشن کو این آر او دیا جائے گا اور اگر اپوزیشن نے استعفے دیئے تو ہم نئے انتخابات کروالیں گے۔