پاکستان پیپلزپارٹی کے چیئرمین بلاول بھٹو زرداری نے کہا ہے کہ اگلے سال جنوری تک موجود حکومت کو اپوزیشن اور عوام کی مدد سے گھر بھجوا رہے ہیں ۔

تفصیلات کے مطابق غذرمیں جلسے سے خطاب میں بلاول کا کہنا تھا کہ  گلگت بلتستان کے عوام کو خریدا نہیں جا سکتا، گلگت بلتستان کے فیصلے گلگت بلتستان میں ہوں۔

بلاول بھٹو نے کہا ہے کہ گے،پی پی نے یہاں سے ایف سی آر کا خاتمہ کرکے عوام کو آزادی دلائی، اب پندرہ نومبر گلگت بلتستان کے لوگوں کے امتحان کا دن ہے۔

خطاب کے دوران بلاول بھٹو زرداری نے کہ میں عوام سے کہتا ہوں کہ خریدنے والوں کا پیسہ لو لیکن ووٹ پیپلز پارٹی کو دو۔

چیئرمین بلاول بھٹو کہتے ہیں حکومت نے صرف مہنگائی اور بیروزگاری میں اضافہ کیا ہے جبکہ پی ٹی آئی حکومت تبدیلی کے نام پر تباہی مچا رہی ہے اور دھاندلی کرنا تو ان کی عادت بن چکی ہے۔

ان کا کہنا تھا کہ آج ہر طبقہ احتجاج پر ہے کیونکہ پاکستان تاریخی بےروزگاری کا سامنا کر رہا ہے۔