امیر جماعت اسلامی سراج الحق نے کراچی میں دوبارہ مردم شماری کروانے کا مطالبہ کرتے ہوئے کہا ہے کہ تین کروڑ کی آبادی والے شہر کی آبادی ڈیڑھ کروڑ ظاہر کی گئی ہے۔

تفصیلات کے مطابق نیشنل پریس کلب کے سامنے حقوق کراچی مارچ میں خطاب سے امیر جماعت اسلامی سراج الحق کا کہنا تھا کراچی منی پاکستان ہے اور ہم اپنا حق چھین کر لیں گے۔

ان کا کہنا تھا سوچے سمجھے منصوبے کے تخت کراچی کی آبادی کو نصف ظاہر کیا گیا ہے اس لئے ہم مطالبہ کرتے ہیں کراچی میں نئی مردم شماری کروائی جائے۔

حقوق کراچی مارچ سے امیر جماعت اسلامی کراچی حافظ نعیم الرحمان کا کہنا تھا کراچی کے لیے جملے سب کہتے ہیں لیکن کام کوئی نہیں کرتا، کراچی میں رہنے والون کو ملازمتوں سے محروم کیا جارہا ہے۔

ان کا کہنا تھا کراچی سے لیا جاتا ہے لیکن دیا کوئی نہیں جاتا اور کراچی کے نام پر سیاست کی جاتی ہے۔

یاد رہے کہ امیر جماعت اسلامی سراج الحق نے مارچ کے اختتام پر مولانا عادل شہید کے لیے دعائے مغفرت کے بعد موجودہ حکومت سے چھٹکارا دلانے کی دعا بھی کروائی۔