وفاقی وزیر داخلہ اعجاز احمد شاہ نے کہا ہے کہ پاکستان اور تھائی لینڈ کے سیاحتی اور معاشی تعلقات مضبوط ہیں۔

تفصیلات کے مطابق وزیر داخلہ اعجاز احمد شاہ کی تھائی لینڈ کے سفیر پورنپوپ امپیدھایا سے وزارت داخلہ میں ملاقات ہوئی جس میں باہمی امور کے معاملات پر تبادلہ خیال کیا گیا۔

ملاقات میں کورونا صورتحال پر قابو پانے پر تھائی سفیر نے وزیر داخلہ اعجاز احمد شاہ کو مبارکباد دی جبکہ کورونا کے دوران تھائی طالبعلموں کی ملک واپسی سے متعلق وزارت داخلہ کے تعاون کا خصوصی شکریہ ادا کیا۔

تھائی سفیر پورنپوپ امپیدھایا نے ملاقات میں کہا کہ پاکستان میں معاشی سرگرمیوں کی بحالی بھی خوش آئند ہے جبکہ پاکستان تھائی طالبعلموں میں انتہائی مقبول ہے

اس موقع پر وزیر داخلہ اعجاز احمد شاہ نے تھائی لینڈ میں ہونے والے ترقیاتی کاموں کو سراہاتے ہوئے کہا کہ پاکستان اور تھائی لینڈ کے سیاحی اور معیشی تعلقات مضبوط ہیں

اعجاز احمد شاہ نے یہ بھی کہا کہ امید کرتے ہیں کہ دو طرفہ تعلقات کو مزید مستحکم بنایا جائے گا جبکہ جس حد تک ممکن ہوا تھائی حکومت کے ساتھ تعاون کریں گے-

وفاقی وزیر داخلہ اعجاز احمد شاہ نے مزید کہا کہ اللہ کا شکر ہے کہ پاکستان میں کرونہ صورتحال اب کافی حد تک بہتر ہے اور آئندہ دنوں میں مزید بہتری کی امید یے-

تھائی لینڈ کے سفیر اور وزیر داخلہ اعجاز احمد شاہ کی ہونے والی ملاقات کا اختتام اس عہد کے ساتھ ہوا کہ آنے والے دنوں میں دو طرفہ امور میں مزید بہتری کی کوشش کی جائے گی۔