وزیراعلیٰ خیبرپختونخواہ محمود خان نے کہا ہے کہ ملک کو ستر سالوں تک لوٹنے والے پی ڈی ایم کے نام پر اکھٹے ہوگئے ہیں۔

تفصیلات کے مطابق وزیر اعلی خیبر پختونخوا محمود خان کا سوات میں تقریب سے خطاب کرتے ہوئے کہا ہے کہ بے روزگاروں کے اس ٹولے نے ملک میں تماشہ لگایا ہوا ہے، جب عمران خان نے ان سے ملک کی لوٹی ہوئی دولت کا حساب مانگا تو انہوں نے این آر او مانگنا شروع کردیا۔

ان کا کہنا تھا کہ این آر او دینے سے انکار کیا تو انہوں نے ڈرامے شروع کردیئے، یہ ٹولہ پختونخوا آئے گا تو یہاں کے باشعور عوام ان کو یکسر مسترد کردیں گے۔

انہوں نے بتایا کہ قوم کا ہر فرد اپنی مسلح افواج کے ساتھ کھڑا ہے جبکہ ملک دشمن قوتوں اور پی ڈی ایم والوں کا ایجنڈا ایک ہی ہے ہم ان کو ناکام بنائیں گے۔