پاکستان نے افغان دارالحکومت کابل میں ایک تعلیمی ادارے کے باہر ہونے والے دہشت گرد حملے کی شدید مذمت کی ہے۔

دفترخارجہ کے مطابق پاکستان سخت ترین الفاظ میں کابل شہر کے دشت برچی علاقہ میں تعلیمی ادارے کے باہر دہشت گرد حملے کی مذمت کرتا ہے۔

ترجمان دفتر خارجہ زاہد حفیظ چوہدری نے کہا ہے کہ آج ہونے والے دہشت گرد حملے میں بچوں سمیت نہتے شہریوں کا جانی نقصان ہوادہشت گرد حملے میں متعدد افراد زخمی ہوئے ہیں۔

https://twitter.com/ForeignOfficePk/status/1320029661938749442

زاہد حفیظ چوہدری کا کہنا تھا کہ ہم متاثرین کے اہل خانہ کو تعزیت اور گہری ہمدردی پیش کرتے ہیں اور زخمیوں کی جلد صحت یابی کے لئے دعاگو ہیں پاکستان دہشت گردی کی اس کی تمام اشکال میں مذمت کرتا ہے۔

انہوں نے کہا ہے کہ پاکستان ایک پرامن اور مستحکم افغانستان کی حمایت جاری رکھے گا۔

یاد رہے کہ افغانستان کے دارالحکومت کابل میں ایک تعلیمی ادارے کے باہر دہشت گرد حملہ کیا گیا ہے جس میں 13 افراد ہلاک جبکہ 30 زخمی ہوگئے ہیں۔