وفاقی وزیر اطلاعات شبلی فراز نے کہا ہے کہ آزادی ایک بڑی نعمت ہے اور کشمیر کے لوگ اس کے لئے ہی جدوجہد کر رہے ہیں۔

تفصیلات کے مطابق وزیر اطلاعات و نشریات شبلی فراز نے یوم سیاہ کے موقع پر میڈیا سے گفتگو کرتے ہوئے کہا ہے کہ 27اکتوبر کو ہم یوم سیاہ کے طور پر مناتے ہیں کیونکہ بھارت کشمیر میں ظلم کی داستانیں لکھ رہا ہے۔

شبلی فراز نے کہا کہ کشمیری مظالم پر مبنی تصویریں دیکھ کر پتہ چلتا ہے کہ ہمارے بزرگوں نے پاکستان کے لیے کتنی قربانیاں دی ہیں۔

ان کا کہنا تھا کہ مسئلہ کشمیر عالمی برداری کے دوہرے پن کا شکار ہے جبکہ انٹرنیشنل ہیومن آرگنائزیشن معمولی بات پر فتوے دیتی ہے۔

انہوں نے مزید کہا ہے کہ ہم کشمیریوں کی حمایت کرتے رہیں جبکہ وزیر اعظم نے اقوام متحدہ کے ہر فورم پر کشمیریوں کے لئے بھرپور آواز اٹھائی ہے کیونکہ وزیر اعظم کشمیریوں کے سفیر ہیں۔