اسٹیٹ بینک کے زرمبادلہ ذخائرمیں ایک ہفتے کے دوران نمایاں کمی ریکارڈ کی گئی ہے۔

تفصیلات کے مطابق اسٹیٹ بینک کے زرمبادلہ ذخائرمیں ایک ہفتے کے دوران 20 کروڑ 50 لاکھ ڈالر کی نمایاں کمی ریکارڈ کی گئی ہے۔

ایک ہفتے کے دوران اسٹیٹ بینک کو ایشیائی ترقیاتی بینک سے 30 کروڑ ڈالر موصول ہوئے ہیں جس میں سے اسٹیٹ بینک نے 58 کروڑ ڈالر کے بیرونی قرضوں کی اقساط ادا کی ہیں۔

قرضوں کی ادائیگی کے بعد اسٹیٹ بینک کے مجموعی زرمبادلہ خائر 12 ارب 15 کروڑ ڈالر رہ گئے ہیں جبکہ کمرشل بینکوں کے پاس 7 ارب 19 کروڑ ڈالر موجود ہیں۔

اسٹیٹ بینک کے مطابق ملک کے مجموعی زرمبادلہ ذخائر 19 ارب 35 کروڑ ڈالر کی سطح پر موجود ہیں۔