کراچی میں جمشید روڈ پر فاٸرنگ کا واقعہ پیش آیا ہے جس میں ایک شخص زخمی ہوا ہے ۔

اس ضمن میں پولیس حکام کا کہنا ہے کہ زخمی ہونے والا شخص مفتی عبداللہ سبحانیہ مسجد کے پیش امام ہیں تاہم ان کی حالت خطرے سے باہر بتائی جارہی ہے۔

پولیس کا کہنا تھا کہ ڈاکوؤں نے ڈکیتی کے دوران مزاحمت پر فائرنگ کی تھی جبکہ پولیس نے شہریوں کی مدد سے ایک ملزم کو گرفتار کر لیا ہے۔

جمشید پولیس نے گرفتار ڈاکو کو تفتیش کیلۓ نامعلوم مقام پر منتقل کردیا ہے۔

خیال رہے کہ آئی جی سندھ نے جمشید روڈ پر فائرنگ اور مسجد کے پیش امام کے زخمی ہونیکے حوالے سے میڈیا رپورٹس پر ایس ایس پی ایسٹ سے واقعہ پر تمام تر ضروری اقدامات پر مشتمل رپورٹ طلب کرلی ہے۔