شہر قائد میں گرین لائن بسوں کے چلنے کے حوالے سے کراچی شہر کو گرین سگنل مل گیا ہے۔

تفصیلات کے مطابق گرین لائن میٹرو منصوبے کے لئے بسوں کی خریداری کا ٹینڈر فائنل ہوگیا ہے جس میں تین ارب روپے سے زائد کی لاگت سے 80 میٹرو بسیں خریدی جائیں گی۔

کراچی میں گرین لائن بس منصوبے کے لئے مخصوص طرز کی بسیں 7ماہ میں پاکستان پہنچنا شروع ہونگی۔

یاد رہے کہ سندھ انفرا اسٹریکچرڈویلپمنٹ کمپنی کے بورڈ آف ڈائریکٹرز کا اجلاس ہوا ہے جس میں دنیا کی 10 بہترین کمپنیوں میں شامل بس مینوفیکچرر کمپنی کو ٹینڈر دینے کی منظوری دی گئی ہے۔

اس کے علاوہ ایدھی اورنج لائن میٹرو منصوبے کے لئے بھی 20 بسوں کی خریداری کی منظوری  دی گئی ہے۔