حکومت نے اسٹیل مل سے 4544ملازمین فارغ کردئیے۔

پاکستان اسٹیل مل انتظامیہ کی جانب سے جاری بیان میں کہا گیا ہے کہ ڈرائیور ہیڈ مالیز اسکولوں کالجز کے غیر تدریسی عملے کو فارغ کردیا گیا ہے۔

پاکستان اسٹیل مل  کے ترجمان کا کہنا ہے کہ فنانس ڈائریکٹوریٹ سمیت سیکیورٹی کے محمکہ کے ملازمین کو برقرار رکھا گیا ہے جبکہ اے ایم اور ڈی ایم لیڈر افسران کو فارغ کیا گیا ہے۔

پاکستان اسٹیل مل  کے ترجمان کا مزید کہنا ہے کہ فارغ کئے گئے تمام ملازمین کو انکے پتے پر لیٹر بھیج دئیے گئے ہیں۔

دوسری جانب اسٹیک ہولڈرز گروپ( پی ایس ایم سی)  پاکستان اسٹیل ملز کارپوریشن نے اپنے ایک بیان میں کہا کہ پاکستان اسٹیل ملز ملازمین سے ریاست لاتعلق ہوگئی ہے، اطلاعات ہیں کہ ملازمین کی برطرفی کے لئے آج ڈپارٹمنٹ ہیڈ کو بلایا گیا تھا۔

اسٹیک ہولڈرز گروپ( پی ایس ایم سی) نے کہا کہ عدالتوں میں دائر کیسوں کی تاریخ نہیں مل رہی ہے جبکہ اسٹیل ملز چیف ایگزیکیٹو کی تقرری کے خلاف کیس کی سماعت نہیں ہورہی ہے۔

 پاکستان اسٹیل ملز کارپوریشن نے یہ بھی کہا کہ ملازمین کو ادا کی جانے والی رقم، ملازمین کی اپنی ہے جبکہ کورونا وباء میں پاکستان اسٹیل ملز ملازمین کو احتجاج کرنا پڑ رہا ہے۔

اسٹیک ہولڈرز گروپ( پی ایس ایم سی)  پاکستان اسٹیل ملز کارپوریشن نے مزید کہا کہ پاکستان اسٹیل ملز کی بحالی کا منصوبہ دیا ہے اور بحالی کا موجودہ منصوبہ مذید تباہی کا سبب ہوگا لہذا وزیراعظم اور وزیراعلی سندھ اس معاملے پر توجہ دیں۔