عالمی بینک کی جانب سے پاکستان میں کورونا وباء کی ویکسین کی تیاری کے لئے مکمل تعاون فراہم کرنے کا اعلان کیا گیا ہے۔

تفصیلات کے مطابق مشیر خزانہ عبدالحفیظ شیخ کی زیر صدارت اجلاس ہوا جس میں ورلڈ بینک کے کنٹری ڈائریکٹر ناجے بن ہاسین، میلنڈا گڈ اور ورلڈ بینک کے آپریشن منیجر نے شرکت کی۔

اجلاس میں کنٹری ڈائریکٹر ورلڈ بینک نے یقین دہانی کرائی ہے کہ اگر کورونا ویکسین کا ٹیسٹ رزلٹ کامیاب ہوجاتا ہے عالمی بینک تعاون کیلئے تیار ہے۔

اجلاس میں عالمی بینک کی جانب سے کورونا سے نمٹنے کیلئے ایمیونائزیشن پروگرام میں تعاون کی بھی پیشکش کی گئی ہے۔

اجلاس میں مشیر خزانہ نے کہا ہے کہ پاکستان میں اصلاحات کیلئے عالمی بینک کی ٹیم نے ہمیشہ تعاون کیا ہے اور پاکستان میں مختلف ترقیاتی منصوبوں پر عملدرآمد میں کردار ادا کیا ہے۔

دوران اجلاس  اجلاس میں مختلف شعبوں میں تعاون بڑھانے پر اتفاق کیا گیا ہے اورمالیاتی انتظام کو مضبوط بنانے پر بھی تبادلہ خیال کیا گیا ہے۔