وفاقی حکومت کے حکم پر سندھ میں بھی شوگر ملوں کے خلاف تحقیقات کا آغاز کردیا گیا ہے۔

تفصیلات کے مطابق وفاق کے حکم کے بعد سندھ کی 25 شوگرملوں کے خلاف چینی کی فروخت  اور سبسڈی سے متعلق تحقیقات کا آغاز کردیا گیا ہے۔

شوگر ملوں کی تحقیقات کے لئے سندھ کی ملوں کے سی ای اوز کو 23 نومبر کو طلب کرلیا گیا ہے اور اس کے ساتھ ہی ملوں سے 2014 سے 2020 تک کرشنگ سیزن کا ریکارڈ طلب کرلیا گیا ہے۔

علاوہ ازیں شوگر کمیشن کی جانب سے ملوں سے 2014 سے 2020 تک کرشنگ سیزن کے ریکارڈ کے ساتھ بیرون ملک اور مقامی مارکیٹ میں فروخت کا ریکارڈ، سرکاری سبسڈی کا ریکارڈ بھی طلب کرلیا گیا ہے۔

شوگر کمیشن کی جانب سےشوگرملوں کو 16 سوالوں پر مشتمل سوال نامہ بھی ارسال کردیا گیا ہے۔