وفاقی وزیر برائے تعلیم شفقت محمود نے انکشاف کیا ہے کہ وہ بچوں میں اپنی بڑھتی ہوئی مقبولیت سے خوش نہیں ہیں۔

تفصیلات کے مطابق نجی ٹی وی کے ساتھ بات چیت کرتے ہوئے وفاقی وزیر کا کہنا تھا کہ ایک بار پھر ملک بھر میں تعلیمی ادارے بند کرنے کا فیصلہ بہت مشکل تھا لیکن بچوں کی حفاظت کے لئے ضروری تھا اس لئے کیا ہے۔

انہون نے کہا کہ تعلیمی ادارے بند کرنے کے فیصلے کے بعد بچوں کے درمیان ان کےلئے بڑھتی ہوئی مقبولیت سے وہ مطمئن نہیں ہیں اور نہ ہی خوش ہیں۔

وفاقی وزیر تعلیم کا کہنا تھا کہ سوشل میڈیا پران سےمتعلق کئی چیزیں بہت مزاحیہ ہیں اور ملک میں ٹیلنٹ بھی بہت ہے۔

ان کا کہنا تھا کہ سوشل میڈیا کا دور ہے، لوگ تفریح کرتے ہیں، بچے شغل کرتے ہیں اور کرتے رہیں گے۔

انھوں نے بچوں کا مشورہ دیا کہ یہ وقت صرف کھیلنے کا نہیں، آن لائن پڑھیں یا اساتذہ سے ہوم ورک لیں، ٹی وی پر بچے ٹیلی اسکول کے سامنے بیٹھیں، وقت ملنے پر احتیاط کے ساتھ گیمز کھیلیں، مستقبل پڑھائی میں ہی ہے، ہر چیز چھینی جا سکتی ہے لیکن کسی کا علم نہیں ہے۔