ایشیائی ترقیاتی بینک کی جانب سے پاکستان کے لئے اہم فیصلہ کیا گیا ہے۔

تفصیلات کے مطابق ایشیائی ترقیاتی بینک کورونا سے نمٹنے کیلئے پاکستان کو20لاکھ ڈالر فراہم کریگا۔

سیکرٹری اقتصادی امور اور ایشیائی ترقیاتی بینک حکام نے معاہدے پر دستخط کیے جبکہ یہ گرانٹ کورونا ایمرجنسی رسپانس پروگرام کے تحت دے گا۔

اس سے قبل پاکستان کے لئے اوپیک فنڈ نے پاکستان کے لیے پانچ کروڑ ڈالر کی قرض کی منظوری دے دی ہے جبکہ اس فیصلے کا اعلان اوپیک کے مرکزی دفتر ویانا سے کیا گیا۔

 یہ امداد حکومت کی صحت کے شعبے میں جاری اسکیموں اور سماجی تحفظ کے لیے استعمال کی جا سکے گی۔

اس امداد میں کورونا ٹیسٹنگ کٹس اور حفاظتی آلات کی فراہمی بھی شامل ہے۔ کورونا سےکے باعث بے روزگار ہوے والے خاندانوں کی کفالت بھی اس میں شامل ہے۔

امدادی رقم چھوٹی صںعتوں اور زراعت کے شعبے کے سبسڈی کے لیے بھی استعمال کی جا سکے گی۔