پاکستان پیپلز پارٹی کے چیئرمین بلاول بھٹو زرداری نے کہا ہے کہ گلگت کی عوام کے ساتھ ہم مل کر سلیکٹڈ حکومت سے آزادی چھینیں گے۔

تفصیلات کے مطابق چیئرمین پیپلزپارٹی بلاول بھٹو نے گلگت میں انتخابی جلسوں سے خطاب میں کہا ہے کہ ،گلگت بلتستان کے انتخابات میں ووٹ چوری نہیں کرنے دیں گے اور عوام کے ووٹ کا تحفظ کریں گے ۔

بلاول بھٹو نے کہا ہے کہ ماضی میں اسلام آباد میں حکومت بنانےوالا گلگت میں جیتتا تھا لیکن اب گلگت  میں جیتنےوالا اسلام آباد کا حکمران ہوگا۔

قبل ازایں مریم نواز نے کہا کہ آپ لوگوں کا احسان ہمیشہ یاد رکھو گی، آپ لوگوں نے بہت پیار دیا ہے، جتنی محبت میری والدہ نے دی اتنی محبت یہاں کے ماوں نے دی ہے، عوام کی اس سمندر سے لگ رہا ہے اس دفعہ شیر دوبارہ آئے گا، پورے گلگت بلتستان کو حفیظ الرحمن پر فخر ہے، جو اس تمام مشکلات میں کھڑا رہا وہ سونے میں تولنے کے قابل ہے۔

مریم نواز کا مزید کہنا تھا کہ لوٹوں کی روایت کو توڑنا پڑے گا، لوٹوں کی جگہ غسل خانوں میں ہے۔

حکومت پر تنقید کرتے ہوئے مریم نواز کا کہنا تھا کہ وفاق میں بد زبانوں کی اور جھوٹوں کی حکومت ہے، ووٹ چوروں کو معلوم ہوگیا اور گلگت بلتستان کے عوام نے پہچان لیا ہے، 15 نومبر کو ووٹ کو عزت دینے کا وقت آیا ہے۔