پاکستان پیپلزپارٹی کے رکن سندھ اسمبلی جام مدد علی انتقال کرگئے۔

تفصیلات کے مطابق پاکستان پیپلزپارٹی کے رکن سندھ اسمبلی جام مدد علی انتقال کرگئے۔

جام مدد علی کورونا وائرس میں مبتلا تھےاور  کئی روز سے کراچی کے نجی اسپتال میں وینٹی لیٹر پر تھے۔

جام مدد علی 4 دسمبر 1962 کو سانگھڑ میں پید اہوئے تھے۔انہوں نے زراعت میں گریجویشن کیا تھا۔

جام مدد علی 2008 سے 2011 تک سندھ اسمبلی میں اپوزیشن لیڈر بھی رہے۔ انہوں نے فروری 2017 میں پاکستان مسلم لیگ (فنکشنل ) کو خیر آباد کہہ دیا تھا۔

2017 میں ہی جام مدد علی نے پاکستان پیپلز پارٹی میں شمولیت اختیار کی  تھی اور پی پی کی طرف سے رکن سندھ اسمبلی منتخب ہوئے  تھے۔

جام مدد علی 2018 میں پی ایس 81 سانگھڑ سے رکن سندھ اسمبلی منتخب ہوئے تھے۔