پاکستان مسلم لیگ ن کے سینیئر رہنما اور سابق وزیر اعظم شاہد خاقان عباسی نے کہا ہے کہ پی ڈی ایم ملک کے مسائل کو حل کرنے کے لئے  شروع ہوئی ہے۔

تفصیلات کے مطابق سابق وزیر اعظم شاہد خاقان عباسی پریس کانفرنس کرتے ہوئے کہا ہے کہ پی ڈی ایم تحریک سے تاریخی رسپانس ملا ہے اور اب تک صرف تین جلسے ہوئے ہیں۔

شاہد خاقان نے کہا ہے کہ پی ڈی ایم کے تینوں تاریخی جلسے تھے کیونکہجوش و خروش تاریخ ساز دیکھا گیا ہے اس مین عوام اپنا آئنی حق مانگ رہی ہے۔

ان کا کہنا تھا کہ ملک میں آئین کی بالادستی ہونی چاہیے تاہم جلسوں کو روکنے کی کوشش کی گئی ہے۔

انہوں نے کہا کہ حکومتی ناہلی کی ایک لمبی فہرست ہے لیکن ہم صرف عوام کے دکھ درد کی بات کریں گے کیونکہ یہ ملک کو واپس آئنی اور جمہوری بنانے کے لیے تحریک ہے اور یہ تحریک ضرور کامیاب ہوگی۔