بھارت کی جانب سے پاکستانی قیدیوں کو رہا کرنے کا فیصلہ کرلیا گیا ہے۔

تفصیلات کے مطابق بھارت سے رہائی پانے والے 24 پاکستانی قیدی آج پاکستان واپس آئیں گے جبکہ 24 پاکستانی قیدی آج براستہ واہگہ بارڈر پاکستان پہنچیں گے۔

واہگہ بارڈر پر کورونا وباء کے تناظر میں حفاظتی اقدامات مکمل کرنے کے بعد پاکستانیوں کو روانہ کیا جائے گا تاہم بھارت کی جیلوں سے رہائی پانے والے پاکستانی 2 سے 4 سال تک بھارتی جیلوں میں قید رہے۔

یاد رہے کہ 9 ماہ بعد بھارت سے رہائی پانے والے پاکستانی قیدی وطن واپس آ رہے ہیں جبکہ  اس سے قبل مارچ میں 8 پاکستانی قیدیوں کو رہائی کے بعد پاکستان واپس بھیجا گیا تھا۔

قبل ازیں افغان صدر اشرف غنی نے پاکستانی قیدیوں کی رہائی کے احکامات جاری کر دیئے ہیں ۔

وزیر اعظم عمران خان نے افغان صدر سے انسانی بنیادوں پر پاکستانی قیدیوں کی رہائی کی درخواست کی تھی  جس کے بعد پاکستانی قیدیوں کی رہائی کے احکامات وزیر اعظم عمران خان کے دورہ افغانستان کے بعد جاری ہوئے۔

افغان صدر نے پاکستانی قیدیوں کی رہائی کے احکامات جذبہ خیر سگالی کے تحت کیے ہیں۔