صوبہ  سندھ کے تعلیمی اداروں میں کورونا کے کیسز میں ہولناک اضافہ دیکھنے میں آیا ہے۔

تفصیلات کے مطابق بول نیوز   کو محکمہ صحت سندھ کی رپورٹ موصول ہوگئی جس میں  تعلیمی اداروں میں یومیہ 22 کیسز رپورٹ ہو نے کا انکشاف کیا گیا ہے۔

محکمہ صحت کی رپورٹ کے مطابق تعلیمی اداروں میں 2مہینوں میں 1 لاکھ 38 ہزار 164 ٹیسٹ کیے گئے جس میں سے 1257 کیسز مثبت رپورٹ ہوئے ہیں جبکہ 1لاکھ27 ہزار 269 کیسز کا نتیجہ منفی آیا ہے۔

کراچی ضلع وسطی کے تعلیمی اداروں میں 203 ،کورنگی 118، ضلع شرقی 233،ضلع غربی 28 اور  ملیر  میں 25 کیسز رپورٹ ہوئے۔

اس کے علاوہ حیدرآبادمیں  77،میر پور  میں 31،سکھر میں 45 ، جامشورو میں 61،ٹنڈوالھیار میں 4 اور ٹھٹہ میں 61 کورونا کیسز سامنے آئے۔

مٹیاری میں 44،  ٹنڈومحمد خان میں 11 ، میرپورخاص میں 31 اور تھرپارکر میں 20 کورونا کیسز رپورٹ ہوئے۔