چیف الیکشن کمشنر راجہ شہباز خان نے کہا ہے کہ  گلگت کے الیکشن صاف شفاف اور غیر جانبدارانہ ہونگے۔

تفصیلات کے مطابق چیف الیکشن کمشنر راجہ شہباز خان نے نیوز کانفرنس کرتے ہوئے کہا ہے کہ پہلی مرتبہ جیل کے قیدیوں کو بھی پوسٹل بیلٹ پیپر کی سہولت دی گئی ہے تاہم پوسٹل بیلٹ پیپر کی گنتی امیدواروں اور پولنگ ایجنٹ کی موجودگی میں ہوگی۔

انہوں نے بتایا ہے کہ بعض سیاسی جماعتیں قبل از انتخاب دھاندلی کے الزامات لگائے جارہے ہیں جو غلط ہے۔

ان کا کہنا تھا کہ گلگت بلتستان انتخابات کے ضابطہ اخلاق کی خلاف ورزی پر اب تک 330 نوٹس جاری کئے جاچکے ہیں، 330 میں سے 123 نوٹسز گلگت ڈویژن، 95 بلتستان ڈویژن اور دیامر ڈویژن میں 113 نوٹسز جاری ہوچکے ہیں اور نوٹسز کی مد میں اب تک 6 لاکھ 50 ہزار روپے بطور جرمانہ قومی خزانے میں جمع کئے گئے ہیں۔