وزیراعظم عمران خان کی جانب سے انتخابی اصلاحات کے نفاذ کے لئے وزارت کو  3 ماہ کی ڈیڈ لائن دیدی گئی ہے۔

تفصیلات کے مطابق وزیر اعظم عمران خان کی زیر صدارت وفاقی کابینہ کے اجلاس کے متعلق اعلامیہ جاری کردیا گیا ہے۔

وزیر اعظم نے کابینہ اجلاس کے آغاز میں ہی الیکشن کمیشن ریفارمز پر بریفنگ لی جبکہ سینیٹ الیکشن،آئی ووٹنگ اور انتخابی اصلاحات پر 40 منٹ تک بریفنگ دی گئی ہے۔

وزیر اعظم نے انتخابی اصلاحات کے نفاذ کے لئے 3 ماہ کی ڈیڈ لائن دیتے ہوئے اوپن بیلٹ کے ذریعئے سینیٹ الیکشن کرانے کی ہدایت دیدی ہے۔

انہوں نے کہا ہے کہ ہمیں نتائج کا ڈر نہیں ،انتخابی اصلاحات نظام کے لئے ضروری ہے اسی لئے چاہے ہمیں نقصان ہو،الیکشن سیکریٹ نہیں ہونا چاہئے۔

وزیراعظم کا کہنا تھا کہ ایسا شائد پہلی مرتبہ ہورہا ہے کہ حکومت میں رہ کر غیر جانبدار الیکشن چاہتے ہیں اسی لئے ملکی روایات اور سیاسی مفادات کے برعکس ملکی مفاد میں فیصلے کررہے ہیں۔

ان کا کہنا تھا کہ کرکٹ میں بھی غیر جانبدار ایمپائر کا کلچر لائے تھے اور اسی طرح الیکشن میں بھی میچ فکس نہیں ہونا چائیے کیوکہ ووٹ کا تقدس ضروری ہے۔