وزیراعلی ٰسندھ مراد علی شاہ کل مشترکہ مفادات کونسل اجلاس میں سندھ کو درپیش مسائل پر معاملات پر صوبے کا کیس پیش کریں گے۔

ذرائع کے مطابق وزیراعلی ٰسندھ مراد علی شاہ مردم شماری، پانی،  فنڈز سمیت ایف بی آر کے ساتھ ود ہولڈنگ ٹیکس سمیت دیگر معاملات پر مشتمل صوبہ سندھ کا کیس سی سی آئی میں وزیراعظم کے سامنے رکھیں گے۔

وزیراعلیٰ سندھ اجلاس میں شرکت کے لیے اپنے خصوصی طیارے کے ذریعے پہلے ہی کراچی سے اسلام آباد پہنچ چکے ہیں۔

چیف سیکریٹری سندھ ممتاز علی شاہ ،وزیراعلی ٰکی سی سی آئی اجلاس میں معاونت کریں گے۔

 سندھ حکومت نے سی سی آئی اجلاس کی تیاری پہلے ہی مکمل کرلی تھی۔