وزیراعلیٰ خیبر پختونخوا محمود خان سب سے امیر ترین وزیراعلیٰ نکلے۔

الیکشن کمیشن آف پاکستان کی جانب سے چاروں صوبوں کے وزرائے اعلیٰ کے اثاثوں کی تفصیلات جاری کردی گئیں۔

محمود خان 2 ارب 86 کروڑ سے زائد مالیت کے اثاثوں کے ساتھ سب سے امیر ترین وزیراعلیٰ نکلے۔

وزیراعلیٰ بلوچستان جام کمال دوسرے امیر وزیراعلیٰ ہیں۔ان کے اثاثوں کی مالیت 72 کروڑ چوراسی لاکھ روپے ہے۔

جام کمال کے پاس بیرون ملک میں جائیدادوں کی مالیت 77 کروڑ ستاسی لاکھ سے زائد ہے ۔ان کا ایک کروڑ 94 لاکھ کا بزنس ہے۔

جام کمال کی گاڑیوں کی مالیت 4 کروڑ 81 لاکھ ہے جبکہ انہوں نے 12 لاکھ کے زیورات ظاہر کیے ہیں۔

زیادہ اثاثوں کے حساب سے وزرائے اعلیٰ میں تیسرے نمبر پر عثمان بزدار ہیں۔

عثمان بزدار کے اثاثے 8 کروڑ 45 لاکھ سے زائد  ہیں۔ان کے پاس 2 لگژری گاڑیاں اور 2 ٹریکٹر ہیں جبکہ 20 تولے سونا  بھی ہے۔

اندرون ملک اور بیرون ملک عثمان بزدار کا کوئی کاروبار نہیں ہے۔

وزرائے اعلیٰ میں سب سے غریب وزیراعلیٰ سندھ مراد علی شاہ ہیں۔

مراد علی شاہ کے پاس ڈیڑھ کروڑ مالیت کے اثاثے ہیں۔ والدہ کی طرف سے 100 تولے سونا تحفے میں ملا ہے جبکہ  ان کی بیٹی کے نام ڈی ایچ اے  میں 3 کروڑ مالیت کے دو پلاٹ بھی ہیں۔