کراچی شہر میں بجلی کی قلت کو پورا کرنے کے لیے کے الیکٹرک نے گیس سے بجلی پیدوار کا نیا منصوبہ شروع کرنے کا فیصلہ کرلیا ہے۔

تفصیلات کے مطابق گیس سے بجلی پیداوار کے نئے منصوبے کے معاملے پر کے الیکٹرک نے اوگرا کو گیس سے بجلی پیدا کرنے والے 900 میگا واٹ یونٹ کے لیے درخواست دے دی ہے۔

اس ضمن میں ذرائع کا کہنا ہے کہ اوگرا نے کے الیکٹرک گیس سے بجلی پیداوار کے نئے یونٹ کے لیے درخواست قبول کرلی ہے، دوسری جانب اوگرا نے کے الیکٹرک کی دخواست پر اعتراضات کے لیے درخواستیں بھی طلب کرلیں ہیں۔

یاد رہے کہ کے الیکٹرک نے کراچی میں بڑھتی بجلی طلب پر 250 ملین مکعب فٹ گیس سے بجلی پیدوار کے نئے منصوبے کی درخواست دی ہے اور کے الیکٹرک کے بن قاسم تھری گیس منصوبے سے بجلی پیداوار سے متعلق اعتراضات سامنے نہ آنے پر اوگرا این او سی جاری کردے گا۔

ذرائع نے بتایا ہے کہ کے الیکٹرک گیس سے بجلی پیدوار منصوبے کو بن قاسم پاور سپلائی تھری کا نام دیا ہے۔