ملک بھر میں کورونا وائرس کے بڑھتے ہوئے اثرات کے باعث سپریم کورٹ کی جانب سے عوامی اعلامیہ جاری کردیا گیا ہے۔

جاری شدہ اعلامیہ کے مطابق صرف وکلا یا ذاتی حیثیت میں پیش ہونے والے سائلین ہی عدالت آسکتے ہیں اور تمام غیر ضروری اشخاص عدالت آنے سے گریز کریں تاہم معلومات فون کے ذریعے لی جاسکتی ہیں۔

اعلامیہ میں بتایا گیا ہے کہ چھینک آنے یا کھانسی کی صورت میں ماسک، ٹشو یا پھر بازو استعمال کیا جائے۔

علاوہ ازیں ماسک پہننا ضروری ہے اور داخلے کے وقت ٹمریچر چک کرانا بھی ضروری ہے تاہم ماسک کے بغیر داخلہ تمام سپریم کورٹ رجسٹری برانچوں میں ممنوعہ ہے۔

یاد رہے کہ سپریم کورٹ کی جانب سے نوٹس سائلین، وکلا، ان کے سٹاف اور سکیورٹی اہلکاروں کے لیے جاری کیا گیا ہے۔