اسپیکر پنجاب اسمبلی پرویزالٰہی سے وفاقی وزیر خزانہ حفیظ شیخ، وفاقی وزیر داخلہ بر یگیڈئیر (ر) اعجاز شاہ اور اسپیکر بلوچستان اسمبلی عبدالقدوس بزنجو نے ملاقات کی۔

تفصیلات کے مطابق ملاقات میں چوہدری شجاعت حسین کی طبیعت سمیت موجودہ ملکی سیاسی صورتحال اور باہمی دلچسپی کے امور پر بھی تبادلہ خیال کیا گیا۔

اس موقع پر وارث بیگ، سیکرٹری پنجاب اسمبلی محمد خان بھٹی اور جی ایم سکندر بھی موجود تھے۔

چوہدری پرویز الٰہی نے کہا کہ  مستند ڈاکٹروں کی ٹیم بہت اچھے طریقے سے ان کی دیکھ بھال کرر ہی ہے،انشاء اللہ وہ صحت یاب ہو کر جلد گھر واپس آجا ئیں گے۔

وفاقی وزیر داخلہ بریگیڈیئر (ر) اعجاز شاہ نے کہا کہ  چودھری شجاعت حسین ایک منجھے ہوئے نفیس سیاستدان ہیں۔  مشکل وقت میں ان کی مشاورت سے بہت آسان حل نکل آتے ہیں۔

اسپیکر بلوچستان اسمبلی عبدالقدوس بزنجو نے کہا کہ چودھری شجاعت حسین پاکستان کا اثاثہ ہیں۔   اس وقت ملکی سیاست میں ان کی بصیرت کی اشد ضرورت ہے۔