ایرانی وزیر خارجہ جواد ظریف اپنے دو روزہ  سرکاری دورے پر پاکستان پہنچ گئے ہیں۔

تفصیلات کے مطابق جواد ظریف اپنے دورہ کے دوران وزیراعظم عمران خان سے ملاقات کریں گے جبکہ ان کا دورہ پاکستان دونوں ممالک کے مابین اعلی سطح کے رابطوں کی کڑی ہے۔

ترجمان دفترخارجہ زاہد حفیظ چوہدری کے مطابق ایرانی وزیر خارجہ ڈاکٹر جواد ظریف وزیر خارجہ شاہ محمود قریشی سے وفود کی سطح پر مذاکرات کریں گےاس موقع پر وفد میں شامل دیگر اراکین سے بھی تبادلہ خیال کیا جاے گا۔

زاہد حفیظ چوہدری نے کہا کہ گذشتہ اڑھائی برس میں ایران کے وزیر خارجہ ڈاکٹر جواد ظریف کا پاکستان کا یہ چوتھا دورہ ہے، پاکستان اور ایران کے قریبی اور برادرانہ تعلقات ہیں جن کی بنیاد باہمی اعتماد، مشترکہ ثقافت اور مذہب پر ہے۔

دونوں ممالک کے درمیان مختلف شعبوں میں تعاون کے فروغ میں اضافہ ہو رہا ہے ایرانی قیادت ببانگ دہل جموں و کشمیر کے معاملے پر حمایت کرتی ہے۔

ایرانی وزیر خارجہ کا دورہ باہمی تعاون کے فروغ کو مزید مستحکم بنانے اور بہت سے علاقائی امور پر تعاون میں اضافے کا باعث ثابت ہو گا۔