ملک میں مہنگائی اور بیروزگاری نے ایک اور قیمتی انسانی جان نگل لی۔

تفصیلات کے مطابق لاڑکانہ شہر کے سول لائن تھانہ کی حدود میں چار بچوں کے والد نے غربت سے تنگ آ کر خودکشی کر لی۔

پولیس نے علاقہ مکینوں کی نشاندہی پر شہر کے گنجان آباد لاہوری محلہ میں موجود ڈیرے میں درخت سے لٹکی لاش برآمد کی۔

متوفی کے کزن کا کہنا ہے کہ  46 سالہ نیاز ایک بیٹی اور چار بیٹوں کا والد تھا۔ متوفی نیاز کافی عرصہ سے بے روزگار اور گھریلو حالات سے تنگ تھا۔

کزن کا مزید کہنا ہے کہ متوفی  علاقہ کے معزز کے ڈیرے پر صفائی ستھرائی کا کام کرتا تھا، جہاں اس نے درخت سے لٹک کر خودکشی کی۔