پاکستان مسلم لیگ ن بلوچستان کے صدر جنرل ریٹائرڈ عبدالقادر بلوچ اپنی پارٹی سے مستعفی ہوگئے ہیں۔

تفصیلات کے مطابق کوئٹہ میں جلسے سے خطاب میں کہا ہے کہ فوج سے نوازشریف کی اپیل بغاوت پر اکسانے کی کوشش ہے تاہم میں آج جو کچھ ہوں فوج کی وجہ سےہوں اور اسی فوج کی وجہ سے بلوچستان میں امن و سکون آیا ہے۔

یاد رہے کہ جنرل قادر بلوچ سمیت ضلعی عہدیداروں نے بھی ن لیگ سے مستعفی ہونے کا اعلان کردیا ہے جس میں ضلعی صدور مسلم لیگ ن میں آمنہ بلوچ، صوبائی نائب صدر شمبے زئی، کشورجتک شامل ہیں ۔

سابق سینیٹر اعظم ریکی، ضلعی جنرل سیکرٹری عبداللہ آزاد، مکران ڈویژن صدر شاہ حسین اور مسلم لیگ ن کے ضلعی صدور میں مستونگ، قلات، خضدار، سوراب اور خاران شامل ہیں۔