وزیراعلیٰ ہاؤس سندھ میں سائلین کی آمد پر پابندی سمیت کم سے کم اسٹاف کی آمد کے احکامات جاری کردیئے گئے ہیں۔

تفصیلات کے مطابق سندھ بھر میں کورونا وائرس کے بڑھتے ہوئے کیسز کی پیش نظر وزیراعلیٰ ہاؤس میں سائلین کی آمد پر پابندی عائد کردی گئی ہے تاہم استاف کو بھی کم سے کم آنے کی ہدایات دے دی گئی ہیں۔

اس ضمن میں وزیر اعلی ہاؤس نے نئی ایڈوائزری جاری کردی ہے جس کے مطابق وزیراعلی ہاؤس کی حدود میں ماکس لازمی قرار دیا گیا ہے۔

وزیر اعلی ہاؤس میں سگریٹ نوشی پر پابندی عائد کی جائے گی تاہم ملازمین کی حاضری ایک تہائی کردی گئی ہے۔

ایڈوائزری کے مطابق حاضری کا شیڈول سکیورٹی سمیت پروٹوکول اسٹاف پر بھی ہوگا تاہمتمام ملازمین کو تھرمل گن سے چیک کیا جائے گا، 50 سال سے اوپر ملازمین گھر سے کام کریں گے، جبکہ نزلہ زکام اور بخار کی کفیت والے ملازمین وزیر اعلی ہاؤس آنے پر پابندی ہوگی۔

ایڈوائزری میں واضح کیا گیا ہے کہ ٹریولینگ ہسٹری رکھنے والے ملازمین پر لازم ہوگا وہ گھر میں قرنطینہ کا پریڈ مکمل کریں۔