کشمور میں چار سالہ بچی کے ساتھ پیش آنے والے واقعے کے ایک اور ملزم کو گرفتار کرلیا گیا ہے۔

تفصیلات کے مطابق کشمور کے ایس ایس پی کا کہنا ہے کہ کشمور میں بچی سے زیادتی کیس میں ملوث دوسرے ملزم کو بھی پولیس نے گرفتار کرلیا گیا ہے۔

ایس ایس پی امجد شیخ کا کہنا ہے کہ واقعے کے دوسری ملزم کی شناحت خیراللہ بگٹی کے نام سے ہوئی ہے جطکہ ملزم کو سوئی بلوچستان سے گرفتار کیا گیا ہے۔

مزید پڑھیں

کشمور زیادتی کیس کا معاملہ، اہم پیش رفت

کشمور میں چار سالہ بچی کے ساتھ پیش آنے والے واقعے کے...

انہوں نے بتایا کہ ملزم خیراللہ بگٹی واقعہ کے بعد بلوچستان فرار ہو گیا تھا۔

واضح رہے کہ دو روز قبل کشمور میں ماں اور چار سالہ بچی کو زیادتی کا نشانہ بنایا گیا تھا، خاتون کو نوکری کا جھانسہ دے کر کراچی سے بلایا گیا تھا، ماں اور 4 سالہ بچی کو اجتماعی زیادتی کا نشانہ بنانے کے بعد فروخت کردیا گیاتھا۔

پولیس نے اطلاع ملنے پر خاتون اور بچی کو اسپتال منتقل کردیا تھا، اسپتال ذرائع کا کہنا تھا کہ بچی کی حالت غیر ہے، جان بچانے کی کوشش کی جارہی ہے۔

ایس ایچ او کشمور اکبر چنا کا کہنا تھا کہ خاتون اور بچی کا میڈیکل کروایا گیا ہے، رپورٹ میں زیادتی کی تصدیق ہوئی ہے، واقعے کی مزید تفتیش جاری ہے۔