صدر ڈاکٹر عارف علوی نے تجارت ، معیشت اور ثقافت کے شعبوں میں یوکرین کے ساتھ تعاون بڑھانے کی ضرورت پر زور دیا ہے۔

تفصیلات کے مطابق صدر مملکت ڈاکٹر عارف علوی کی اسلام آباد میں یوکرین میں تعینات پاکستان کے سفیر برائے میجر جنرل ریٹائرڈ نول اسرائیل کھوکھر سے ملاقات ہوئی ہے جس میں دونوں نے گفتگو بھی کی ہے۔

صدر مملکت نے کہا کہ پاکستان یوکرین کے ساتھ اپنے تعلقات کو بہت اہمیت دیتا ہے اور دفاع سمیت باہمی دلچسپی کے شعبوں میں تعاون کو مزید بڑھانا چاہتا ہے۔

ڈاکٹر عارف علوی نے متواتر دوطرفہ پارلیمانی اور سیاسی تبادلے کی ضرورت پر زور دیا جس سے دونوں ممالک کو قریب لانے میں مدد ملے گی۔