نارتھ ناظم آباد میں واٹر ٹینکر کے حادثے  کی سی سی ٹی وی فوٹیج منظر عام پر آگئی۔

تفصیلات کے مطابق  کراچی کے علاقے نارتھ ناظم آباد میں نجی بینک میں واٹر ٹینکر کے گھسنے کی سی سی ٹی وی فوٹیج منظر عام پر آگئی ۔

فوٹیج میں دیکھا جاسکتا ہے کہ تیز رفتار ٹرک اچانک بینک سے ٹکرا جاتا ہے ، حادثے کے بعد بھگدڑ مچ جاتی ہے ۔

حادثے سے بینک کے باہر کھڑی گاڑیوں اور موٹر سائیکلوں کو نقصان پہنچتا ہے۔

واضح رہے کہ واقعے میں ایک شخص جاں بحق ہوا تھا جبکہ متعدد زخمی ہوئے تھے ۔

حادثے کے ذمہ دار ٹینکر کا ڈرائیور تاحال گرفتار نہ ہوسکا ، واقعے کا مقدمہ نارتھ ناظم آباد تھانے میں درج کیا گیا تھا۔