پاکستان پیپلزپارٹی کے چیئرمین بلاول بھٹو زرداری نے کہا ہے کہ عمران خان کے دور حکومت میں لوگوں سے روزگار چھینا جا رہا ہے اورعوام حکومت کی نالائقی کا بوجھ اٹھا رہے ہیں۔

تفصیلات کے مطابق پاکستان پیپلز پارٹی کے چیرمین بلاول بھٹو نے استور میں عوامی جلسے سے خطاب کرتے ہوئے کہا کہ گلگت بلتستان کو حق حاکمیت اور حق ملکیت اور حق روزگار بھی دینگے ۔

انہوں نے کہا کہ عوام سے گزارش ہے اپنے قیمتی ووٹ کو ضائع کرنے کے بجائے عوامی جمہوری پارٹی کے تیر پر مہر لگا کر گلگت بلتستان میں حکومت قائم کریں تاکہ وفاق میں بھی تحریک انصاف کی حکومت خاتمہ کیا جاسکے ۔

ان کا کہنا تھا کہ گلگت بلتستان کی عوام کو شہید زولفقار علی بھٹو نے اسی استور میں ہی ایف سی ار راجاگیری کا خاتمہ اور گندم سبسڈی کا بھی اعلان کیا جو پایا تکمل تک پہنچا جسے کے ثمرات سے عوام مستفید ہورہی ہے ذولفقارعلی بھٹو کے بعد بے نظیر بھٹو نے گلگت بلتستان کے حقوق کی جھنگ لڑتی رہی تاہم پیپلزپارٹی حکومت کے علاوہ کسی بھی جماعت نے گلگت بلتستان کے لیے کوئی کام نہیں کیا ہے۔