پاکستان انٹرنیشنل ایئرلائن ( پی آئی اے )کی جانب ایک نئی منزل ’القسیم‘ متعارف کروادی گئی۔

تفصیلات کے مطابق پاکستان انٹرنیشنل ایئرلائن ( پی آئی اے )کی جانب ایک نئی منزل ’القسیم ‘متعارف کروادی گئی ہے۔ سعودیہ عرب کے وسط میں واقع ’القسیم ‘میں کئی لاکھ پاکستانی کام کرتے ہیں۔

القسیم اور البریدہ میں رہنے والے پاکستانیوں کا عرصہ دراز سے مطالبہ تھا کہ براہ راست پروازیں شروع کی جائیں۔  پروازیں بدھ اور جمعہ کے روز بالترتیب ملتان اور اسلام آباد سے روانہ ہوں گی۔

پی آئی اے کی پہلی پرواز 18 نومبر بروز بدھ ملتان سے روانہ ہوگی۔سعودی ائیرپورٹ حکام کی جانب سے پرواز کو واٹر کینن سلوٹ دیا جائے گا۔

40  کلو سامان کی حد کے ساتھ تعارفی کرایہ بھی ان پروازوں پر لاگو ہوگا۔