وزیر خارجہ شاہ محمود  قریشی نے نائجر کے ہم منصب کو دورہ پاکستان کی دعوت دے دی۔

تفصیلات کے مطابق  وزیر خارجہ شاہ محمود قریشی کی او آئی سی وزرائے خارجہ کونسل کے 47 ویں اجلاس کے موقع پر   نائجر کے ہم منصب کَلہ انکوراؤ سے ملاقات کی۔

ملاقات میں  دوطرفہ تعلقات، مقبوضہ جموں و کشمیر سمیت باہمی دلچسپی کے امور پر تبادلہ خیال کیا گیا۔

وزیر خارجہ نے اپنے نائجر ہم منصب کو مقبوضہ جموں و کشمیر  کی مخدوش صورتحال سے آگاہ  کرتے ہوئے کہا کہ  ہندوستان عالمی قوانین کے خلاف مقبوضہ کشمیر میں آبادی کا تناسب تبدیل کر رہا ہے۔

Advertisement

FM @SMQureshiPTI met FM of Niger Kalla Ankouraou on sidelines of #OIC47CFMNiamey. Both sides agreed that exchange of high-level visits will provide further momentum to bil ties.

FM thanked 🇳🇪 for its long-held principled stance on J&K & apprised him about HR situation in #IIOJK. pic.twitter.com/PiundeFeNx

— Ministry of Foreign Affairs – Pakistan (@ForeignOfficePk) November 28, 2020

شاہ محمود قریشی نے مزید کہا کہ  پاک، نائجر اقتصادی تعاون کا فروغ ’انگیج افریقہ‘ پالیسی کا اہم جزو ہے۔

دونوں جانب سے اقتصادی و تجارتی تعلقات کے فروغ  کے لیے باہمی روابط بڑھانے پر  بھی زور دیا گیا۔

وزیر خارجہ شاہ محمود قریشی نے نائجر کے ہم منصب کو دورہ پاکستان کی دعوت بھی دی۔