پاکستان رینجرز(سندھ) نے کراچی کے مختلف علاقوں میں کارروائی کرتے ہوئے 23 ملزمان کو گرفتار کرلیا۔

ترجمان پاکستان رینجرز(سندھ) کے مطابق رینجرز نے کراچی کے مختلف علاقوں میں کارروائی کرتے ہوئے مختلف جرائم میں  ملوث 23ملزمان کو گرفتار کیاجن کے جرائم کی تفصیلات درج ذیل ہیں۔

رینجرز نے زمان ٹاؤن، عید گاہ، رسالہ،ٹیپو سلطان، بلدیہ ٹاؤن، فیروزآباد، سعید آباد، مومن آباد اور شاہراہِ فیصل کے علاقوں میں کارروائی کرتے ہوئے 22 ملزمان کو گرفتارکیا جو لوگوں سے لوٹ مار کرنے، غیر قانونی اسلحہ رکھنے،ڈاکیتی اور اسٹریٹ کرائم کی متعدد وارداتوں میں ملوث ہیں۔

اس کے علاوہ فیروزآباد کے علاقے میں کارروائی کرتے ہوئے ایک ملزم کوگرفتارکیا جوعلاقے میں منشیات فروشی کے کاروبار میں ملوث ہے۔

درج بالا ملزمان کے قبضے سے غیر قانونی اسلحہ،ایمونیشن، مسروقہ سامان اور منشیات بھی بر آمدکر لی گئی ہے اورتمام ملزمان کو قانونی کارروائی کے لیے پولیس کے حوالے کر دیا گیا ہے۔