چیئرمین نیب جسٹس ریٹائرڈ جاوید اقبال کا کہنا ہے کہ  نیب ’احتساب سب کیلئے ‘کی پالیسی پر عمل پیرا ہے۔

تفصیلات کے مطابق  چیئرمین نیب کی زیر صدارت نیب ہیڈ کوارٹر زمیں آپریشن اور پراسیکیوشن ڈویژن کا جائزہ اجلاس ہوا۔

اجلاس میں بریفنگ میں بتایا گیا کہ  پراسیکیوشن ڈویژن آپریشن ڈویژن  کے ساتھ مل کر کام کررہی ہے۔ دونوں ڈویژنز شکایات، انکوائریز اور تحقیقات کی جانچ پڑتال  کے لیے ہم آہنگ کام کررہے ہیں۔

اجلاس میں احتساب عدالت لاہور ریفرنس کےفیصلے پر بھی بریفنگ دی گئی۔ احتساب عدالت لاہور نے مرکزی ملزم نذیر احمد خان کو 5 سال کی سزا سنائی   ہے۔

اس موقع پر چیئرمین نیب کا کہنا تھا کہ  میگا کرپشن کے مقدمات کو منطقی انجام تک پہنچانا نیب کی اولین ترجیح ہے۔ نیب احتساب سب  کے لیے کی پالیسی پر عمل پیرا ہے۔

چیئرمین نیب  نے ریجنل بیوروز کو ہدایت کی کہ  کیس کی تحقیقات  کے لیے اپنی بھرپور صلاحیت کا مظاہرہ دکھائیں۔