وفاقی وزیر اطلاعات شبلی فراز کا کہنا ہے کہ  حکومت  پاکستان ثقافت کو اجاگر کرنے  کے لیے کوشاں ہے۔

اسلام آباد میں لوک میلے میں شرکت کے بعد میڈیا سے گفتگو کرتے ہوئے  وفاقی وزیر اطلاعات شبلی فراز  کا کہنا ہے کہ  میلہ منعقد کرنے کا مقصد پاکستانی عوام کو جوڑنا ہے، میلے میں مختلف صوبوں کی عکاسی ہو رہی ہے۔

وفاقی وزیر اطلاعات نے کہا کہ  لوک ورثہ کی انتظامیہ کو مبارکباد جنہوں نے لوک میلے کا انقعاد کیا۔ لوک ورثہ ملکی ثقافت  اجاگر کرنے کے لیے اہم خدمات انجام دے رہا ہے۔

شبلی فراز کا کہنا  تھا کہ  حکومت  پاکستان ثقافت کو اجاگر کرنے کے لیے کوشاں ہے، ثقافت کی ترقی کے لیے صوبوں میں بھی میلوں کا انعقاد ہونا چاہیے۔

انہوں نے مزید کہا کہ ای کامرس کے ذریعے بھی اپنی مصنوعات کی نمائش کرسکتے ہیں۔  آپ دنیا کے کسی بھی کونے میں اپنی مصنوعات بیچ سکتے ہیں۔

وفاقی وزیر اطلاعات نے کہا کہ  عوام کو ای کامرس پر توجہ دینے کی ضرورت ہے۔ میں متعلقہ اداروں سے ای کامرس کے حوالے سے بات کروں گا۔