پاکستان نیوی کا نیا جہاز پی این ایس تبوک کراچی پہنچ کر بحری بیڑے میں شامل ہوگیا۔

تفصیلات کے مطابق ترجمان پاک بحریہ کی جانب سے جاری بیان میں کہا گیا ہے کہ پاکستان نیوی کا نیا جہازپی این ایس تبوک کراچی پہنچا ، جہاں پی این ایس تبوک کی بحری بیڑے میں باقاعدہ شمولیت کی تقریب پاکستان نیوی ڈاکیارڈ کراچی میں منعقد ہوئی۔

ترجمان پاک بحریہ نے کہا کہ چیف آف دی نیول اسٹاف ایڈمرل محمد امجد خان نیازی تقریب کے مہمان خصوصی تھے۔

Induction ceremony of state of the art Corvette, PNS TABUK was held at PN Dockyard, Khi. Chief Guest, CNS Adm Muhammad Amjad Khan Niazi termed induction of PNS TABUK as an important milestone for PN to enhance Ops capabilities & promote maritime security in the region.(1/2) pic.twitter.com/d9h0zs1L0I

Advertisement

— DGPR (Navy) (@dgprPaknavy) December 17, 2020

ترجمان پاک بحریہ کا کہنا ہے کہ پی این ایس تبوک کی تعمیر ڈامین شپ یارڈرومانیہ میں کی گئی جبکہ جہاز کی کمیشننگ کی تقریب نومبرمیں رومانیہ میں منعقد ہوئی۔

ترجمان کا یہ بھی کہنا ہے کہ پی این ایس تبوک جدید جنگی جہاز ہے جواسٹیٹ  آف دی آرٹ ویپن اورڈیفنس سسٹم سے لیس ہے اور اس سلسلے کا پہلا جہاز پی این ایس یرموک رواں برس جولائی میں پاک بحریہ کے بیڑے میں شامل کیا گیا۔

پاک بحریہ کے ترجمان کے مطابق پی این ایس تبوک متعدد نیول آپریشنز انجام دینے اور ہیلی کاپٹر اور ڈرون لے جانے کی صلاحیت رکھتا ہے۔

اس موقع پر چیف آف دی نیول اسٹاف ایڈمرل محمد امجد خان نیازی نے کہا کہ نئے جدید جہاز کی شمولیت سے ملکی بحری قوت مضبوط اور بحری مفادات اور حدود کا دفاع مزید بہتر ہوگا۔