ورلڈ بینک کی جانب سے کورونا ویکسین کے تیاری کے لئے پاکستان کو قرض دینے کی رضامندی ظاہر کردی گئی ہے۔

تفصیلات کے مطابق کورونا ویکسین کی فنڈنگ کے معاملے پر  ورلڈ بینک نے پاکستان کیلئے قرض فراہمی پر رضامندی ظاہر کر دی ہے جس کے لئے ورلڈ بینک نے پاکستان کو ماضی کے قرض کے نئے استعمال کی اجازت بھی دیدی ہے

ورلڈ بینک نے پاکستان کو پی آر ای پی کیلئے 155 ملین ڈالر قرض دیا تھا تاہم اس وقت پاکستان کے پاس پی آر ای پی کے 153 ملین ڈالر محفوظ ہیں۔

یاد رہے کہ وزارت صحت نے پلاننگ کمیشن میں 138 ملین ڈالر کا پی سی ون جمع کرایا تھا تاہم اب وزارت صحت کا پلاننگ کمیشن میں جمع کردہ پی سی ون واپس لینے کا فیصلہ کرلیا ہے۔

خیال رہے کہ پاکستان نے ورلڈ بینک سے ویکسین فنڈنگ کیلئے 153 ملین ڈالر امداد مانگی تھی۔