جامعہ کراچی شیخ زید گیٹ کے پاس رینجرز پر کریکر حملے میں ایک اہلکار زخمی ہوگیا۔

ذرائع کے مطابق جامعہ کراچی  کے شیخ زید گیٹ کے قریب رینجرز پر کریکر حملے میں  ایک جوان زخمی ہوگیا ہے۔

زخمی  اہلکار کو فوری طور پر اسپتال منتقل کردیا گیا ہے۔

رینجرز ذرائع کا کہنا ہے کہ  جامعہ کراچی کے باہر کی جانب سے سڑک سے گزرتے ہوئے کریکر پھینکا گیا ہے۔ حملہ آور باہر سے کریکر پھینک کر فرار ہوگئے ہیں۔

یاد رہے کہ آج صبح کلفٹن بلاک 2 میں ایک نجی ہوٹل کے سامنے چینی عملے کی گاڑی پہ  نامعلوم دہشتگرد عناصر کی جانب سے میگنیٹک ڈیوائس  نصب کی گئی تھی۔

 چینی عملے کی بروقت اطلاع دیے جانے پر دہشت گردی کی اس بڑی کارروائی  کو پولیس اور بم ڈسپوزل اسکواڈ نے مل کر ناکام بنادیا تھا۔