صوبائی حکومتوں کی کاکردگی سے متعلق کیے گئےسروے میں عوام نے سندھ حکومت کی کارکردگی کو سب سے ناکام قرار دے دیا۔

عوامی رائے کے ایک نجی تحقیقاتی ادارے (پلس کنسلٹنٹ) نے صوبائی حکومتوں کی کاکردگی سے متعلق نئی سروے رپورٹ جاری کردی۔

پلس کنسلٹنٹ  کے صوبائی حکومتوں کی کارکردگی پر 2 ہزار سے زائد افراد کی آراء پر مبنی  سروے رپورٹ کے مطابق   60 فیصد افراد سندھ سرکار سے ناراض تو 19 فیصد خوش نظر آئے۔

خیبرپختونخوا حکومت کی کارکردگی کو51 فیصد افراد نے بُرا کہا جبکہ 41 فیصد لوگوں نے اچھا قرار دیا ۔

وزیر اعظم کے پسندیدہ وزیر اعلیٰ عثمان بزدار کی حکومت پر 47 فیصد افراد نے تنقید کی جبکہ 34 فیصد نے ان کی کارکردگی کو پسند کیا۔

بلوچستان حکومت 37 فیصد افراد کو متاثر کرنے میں کامیاب رہی اور 35فیصد عوام نے اسے ناکام قرار دیا۔