بلوچستان ہائیکورٹ نے اخبارات اور میگزین میں قرآنی آیات  واحادیث شائع کرنے سے روک دیا۔

 تفصیلات کے مطابق بلوچستان ہائیکورٹ  میں ایڈووکیٹ سید نذیر آغا کے توسط سے  دائر کردہ ناصر شفقت مری کی آئینی درخواست پر  چیف جسٹس جمال خان مندوخیل اور جسٹس حمید بلوچ نے سماعت کی۔

عدالت نے سی پی نمبر 1102/2019کے تحت ناصر شفقت مری کی آئینی درخواست پر تاریخی فیصلہ  جاری کردیا۔

عدالت نے فیصلے میں ڈی جی پی آر کو ہدایات جاری  کیں کہ تمام اخبارات اور میگزین مالکان کو نوٹس جاری کریں کہ اخبارات اور میگزین میں قرآن مجید کی آیات اور احادیث شریف شائع نہ کی جائیں۔

فیصلے میں کہا گیا  کہ اکثر اوقات مقدس قرآنی آیات کی بے حرمتی کا خدشہ رہتا ہے۔