بھارتی سفارتی حکام کو دفتر خارجہ طلب کرنے کا فیصلہ کیا گیا ہے ۔

ذرائع کے مطابق  بھارت کے ناظم الامور یا سینئر سفارت کار کو آج دفتر خارجہ طلب کیے جانے کا امکان ہے۔

ذرائع کا کہنا ہے کہ  ڈی جی جنوبی ایشیاء بھارتی سفارت کاروں سے ملیں گے۔ بھارتی سفارت کاروں سے کھوئی رٹہ سیکٹر میں گذشتہ روز بھارتی قابض افواج کی بلا اشتعال فائرنگ و گولہ باری پر احتجاج ریکارڈ کرایا جاہے گا۔

ذرائع کا کہنا ہے کہ بھارتی سفارت کاروں کو ایک احتجاجی مراسلہ بھی حوالے کیا جائے گا۔

واضح رہے کہ  گذشتہ روز کھوئی رٹہ سیکٹر میں بھارت کی بلا اشتعال فائرنگ و گولہ باری میں 2 پاکستانی فوجی شہید  ہوئے تھے۔ جوابی کارروائی میں دو بھارتی فوجی بھی جہنم رسید ہوئے تھے۔