معروف اینکر عامر لیاقت حسین  نے اپنی پہلی اہلیہ کو طلاق دے دی۔

تفصیلات کے مطابق عامر لیاقت حسین کی سابقہ اہلیہ سیدہ بشریٰ اقبال نے طلاق کی تصدیق کردی ہے۔

سابق اہلیہ بشریٰ اقبال نے تصدیق کی کہ عامر لیاقت انہیں طلاق دے چکے ہیں۔ یہ وقت میرے سابقہ شوہر عامر لیاقت حسین کے ساتھ میرے تعلقات کی وضاحت کا ہے۔

انہوں نے مزید کہا کہ مجھے طلاق دینا ایک الگ بات ہے لیکن طوبیٰ کو کال پر لے کر اس کی درخواست پر ایسا کرنا درست نہیں۔میرے اور بچوں کے لیے بہت تکلیف دہ اور صدمے کی بات تھی۔ میں اپنا معاملہ اللہ پر چھوڑتی ہوں۔

یاد رہے کہ  پاکستان تحریک انصاف کے رہنما عامر لیاقت نے دوسری شادی طوبیٰ عامر سے کی تھی۔