اغوا برائے تاوان کے الزام میں گرفتار ڈی ایس پی سمیت دیگر ملزمان کو جسمانی ریمانڈپر پولیس کے حوالے کردیا گیا۔

تفصیلات کے مطابق  کراچی سے اغوا برائے تاوان کے الزام میں گرفتار ڈی ایس پی سمیت دیگر ملزمان  کو   انسداد دہشت گردی کی منتظم عدالت میں پیش کیا گیا۔

ملزمان میں ڈی ایس پی راشد اقبال،ڈرائیور ناصر،پولیس اہلکار عامر اور وسیم شامل ہیں۔

عدالت نے ملزمان کو 17دسمبر تک جسمانی ریمانڈ پر پولیس کے حوالے کر دیا۔

پولیس کا کہنا ہے کہ تاجر کے اغوا کے لیے ڈی ایس پی راشد اقبال کی موبائل کا استعمال کیا گیا تھا۔ اغوا کے بعد شہری کو ڈی ایس پی کے دفتر میں رکھاگیا۔

پولیس نے گرفتار ملزمان سے سرکاری اسلحہ اور موبائل تحویل میں لے کر مزید تحقیقات شروع کردی ہیں۔