نیو کراچی  میں فیکٹری میں بوائلر پھٹنے سے 2 افراد جاں بحق  جبکہ متعدد زخمی ہوگئے۔

تفصیلات کے مطابق نیو کراچی صباءسینماء  کے قریب فیکٹری میں بوائلر پھٹنے سے چھت گرگئی جس کے ملبے تلے کئی لوگوں کے دبے ہونے کی اطلاعات ہیں۔

ریسکیوذرائع کا کہنا ہے کہ جاۓ وقوع سے شدید زخمیوں کو نکال کر عباسی شہید اسپتال روانہ کردیا ہے۔

 ترجمان سندھ رینجرز کا کہنا ہے کہ  رینجرز کے جوان جائے حادثہ پر پہنچ کر  ریسکیو ٹیموں کے ساتھ امدادی کاموں میں مصروف ہیں۔

دوسری جانب عباسی شہید اسپتال کی ڈائریکٹر    ڈاکٹر سلمیٰ کوثر  کہنا ہے کہ اب تک 10 زخمیوں کو عباسی شہید اسپتال لایا گیا  ہے جن میں سے 2 کی ہلاکت ہوگئی ہے۔

انہوں نے بتایا کہ   8 زخمی اس وقت عباسی شہید اسپتال میں موجود ہیں جن میں سے  3 کی حالت تشویش ناک ہے جبکہ  مزید زخمی افراد کواسپتال لایا جارہا ہے۔