وفاقی وزیر اطلاعات سینیٹر شبلی فرازکا کہنا ہے کہ  ملکی ایکسپورٹس نے 10 سال کا ریکارڈ توڑ دیا ہے۔

سماجی رابطے کی ویب سائٹ ٹوئیٹر پر جاری بیان میں  وفاقی وزیر اطلاعات سینیٹر شبلی فراز کا  کہنا تھا کہ  پاکستان عمران خان کی قیادت میں ترقی اور خوشحالی کی راہ پر تیزی سے آگے بڑھ رہا ہے، ملکی ایکسپورٹس میں اضافے نے گذشتہ 10 سال کا ریکارڈ توڑ دیا ہے۔

شبلی فراز نے کہا کہ  ایک جانب بیرونی دشمن انڈین کرانیکلز کے ذریعے پاکستان کے خلاف جھوٹی معلومات پھلانے کا جرم کر رہے ہیں تو دوسری جانب پی ڈی ایم جھوٹ کا سہارا لے کر عوام میں مایوسی پھیلا رہی ہے۔

انہوں نے کہا کہ دونوں کے جھوٹ کی تجارت رنگے ہاتھوں پکڑی گئی ہے۔  مایوسی پھیلانے والے عناصر مایوس اور نادم رہیں  گے۔

وفاقی وزیر اطلاعات نے کہا کہ شب گذشتہ مناظرے میں شاہد خاقان عباسی کی وہی حالت تھی جو ‘ہارڈ ٹاک’ میں اسحاق ڈار کی تھی۔  سچ کے سامنے ان کے ہاتھ پاؤں پھول جاتے ہیں۔  ندیم بابر نے (ن) لیگی جھوٹ کے پرزے پرزے کردئیے۔

شبلی فراز نے کہا کہ  ہاری ہوئی ٹیم کے ٹاپ کھلاڑی کی بے بسی اور لاچاری دیدنی تھی۔